ന്യൂഡൽഹി: മുൻ കേന്ദ്രമന്ത്രിയും ബിജെപി നേതാവുമായ ജോൺ ബാർല തൃണമൂൽ കോൺഗ്രസിൽ ചേർന്നു. 2019-ൽ അലിപുർദുവാറിൽ നിന്ന് ബിജെപി ടിക്കറ്റിൽ തിരഞ്ഞെടുക്കപ്പെടുകയും കേന്ദ്ര ന്യൂനപക്ഷകാര്യ സഹമന്ത്രിയായി സേവനമനുഷ്ഠിക്കുകയും ചെയ്ത ബാർല 2024-ലെ ലോക്‌സഭാ തെരഞ്ഞെടുപ്പിൽ പാർട്ടി ടിക്കറ്റ് നിഷേധിച്ചതിൽ അതൃപ്തി പ്രകടിപ്പിച്ചിരുന്നു.

ഇതോടെയാണ് ബിജെപി പാർട്ടിയുമായി ഇദ്ദേഹം ഇടഞ്ഞു നിന്നത്. എന്നാൽ തന്നെ ഗോത്രവർഗ വിഭാഗത്തിന് വേണ്ടി പ്രവർത്തക്കാൻ ബിജെപി നേതൃത്വം അനുവദിച്ചിരുന്നില്ലെന്ന് ജോൺ ബർള പറഞ്ഞു. അതേസമയം മമത ബാനർജിയുടെ നേതൃത്വത്തിൽ ഗോത്ര ജനതക്ക് നിതി നൽകാൻ കഴിയുമെന്നാണ് താൻ വിശ്വസിക്കുന്നതെന്ന് തൃണമൂൽ കോൺഗ്രസിൽ ചേർന്ന ശേഷം ജോൺ ബിർള പ്രതികരിച്ചു.