തിരുവനന്തപുരം: എയ്ഡഡ്, സ്വാശ്രയ, സ്വയംഭരണ കോളേജുകളിൽ സ്വാശ്രയ കോഴ്‌സുകൾ ആരംഭിക്കാൻ സർക്കാർ അനുമതി ഒഴിവാക്കിയ ഉത്തരവിനെതിരെ പ്രതിപക്ഷ നേതാവ് രംഗത്ത്. സ്വയംഭരണ പദവിയുടെ പേരിൽ ഉന്നതവിദ്യാഭ്യാസ മേഖലയെ സ്വകാര്യ മാനേജ്മെന്റുകളുടെ ലാഭത്തിനായി വിട്ടുകൊടുക്കാനാണ് സർക്കാർ ശ്രമിക്കുന്നതെന്ന് അദ്ദേഹം ആരോപിച്ചു. പുതിയ സർക്കുലർ ഉടൻ പിൻവലിക്കണമെന്നും ആവശ്യപ്പെട്ടു. മാനേജ്മെന്റുകളുടെ സമ്മർദത്തിന് വഴങ്ങിയാണ് സർക്കാർ ഇത്തരമൊരു തീരുമാനമെടുത്തതെന്നാണ് പ്രതിപക്ഷ നേതാവിന്റെ വിമർശനം. സ്വാശ്രയ കോഴ്‌സുകൾ ആരംഭിക്കാനും സീറ്റുകൾ വർധിപ്പിക്കാനും സർക്കാർ തലത്തിലുള്ള പരിശോധനയും നിയന്ത്രണവും ഒഴിവാക്കുന്നത് അംഗീകരിക്കാനാകില്ലെന്നും അദ്ദേഹം പറഞ്ഞു. […]