കണ്ണൂർ: കണ്ണൂർ ചക്കരക്കളിൽ വീടിനുള്ളിലെ അലമാരയിൽ നിന്നും മൂർഖൻ പാമ്പിനെ കണ്ടെത്തി. ചെമ്പിലോട് പഞ്ചായത്തിലെ കണയന്നൂർ വങ്കണയിൽ നാസറിന്റെ വീട്ടിൽ നിന്നാണ് പാമ്പിനെ പിടികൂടിയത്.

വീട്ടമ്മ അലമാരയിൽ തുണി അടുക്കി വയ്ക്കുന്നതിനിടെ അസാധാരണമായ ശബ്ദം കേട്ട് പരിശോധിച്ചപ്പോഴാണ് മൂർഖൻ പാമ്പിനെ കണ്ടത്. തുടർന്ന് ഫോറസ്റ്റ് റെസ്ക്യൂ അംഗം സന്ദീപ് കണയന്നൂരിനെ വിവരം അറിയിക്കുകയായിരുന്നു. തുടർന്ന് പാമ്പിനെ പിടികൂടി. പാമ്പിനെ ആവാസവ്യവസ്ഥയിലേക്കു തുറന്നുവിടും.