ന്യൂയോർക്ക്: ചൊവ്വയില്‍ നിന്ന് വെര്‍പെട്ട് ഭൂമിയിലെത്തിയ ഉൽക്കാശില ലേലത്തിൽ. NWA 16788 എന്ന് പേരിട്ടിരുന്ന ഈ ഉൽക്കാശില ലേലത്തിൽ 5.3 മില്യൺ ഡോളറിന് (45 കോടി രൂപ) വിറ്റു. ഭൂമിയിൽ നിന്നും ഇതുവരെ കണ്ടെത്തിയതിൽ വച്ച് ഏറ്റവും വലിയ ചൊവ്വ ഉല്‍ക്കാശിലയാണിത്.

ഉൽക്കാശിലയ്ക്കായി ഓൺലൈനിലും ഫോണിലും ലേലം നടന്നു. 54 പൗണ്ട് ഭാരമുള്ള കല്ല് 2023-ൽ നൈജറിലെ സഹാറ മരുഭൂമിയിൽ നിന്നാണ് കണ്ടെത്തിയതെന്ന് സോത്ത്ബീസ് പറയുന്നു. ഒരു ഭീമൻ ഛിന്നഗ്രഹം ചൊവ്വയുടെ ഉപരിതലത്തിൽ ഇടിച്ചിറങ്ങിയപ്പോൾ വേര്‍പെട്ട ഈ പാറ 140 ദശലക്ഷം മൈൽ സഞ്ചരിച്ച് ഭൂമിയിൽ എത്തുകയായിരുന്നു എന്നാണ് അനുമാനം.