തിരുവനന്തപുരം: മംഗലപുരത്ത് നിന്ന് കാണാതായ 15 കാരനെ കണ്ടെത്തി. കാരമൂട് സ്വദേശി സുഭാഷ് ചിഞ്ചു ദമ്പതികളുടെ മകനായ ശ്രീഹരിയെയാണ് തമ്പാനൂര്‍ റെയില്‍വേ സ്റ്റേഷനില്‍ നിന്ന് കണ്ടെത്തിയത്. ഉടന്‍ മംഗലപുരം പൊലീസ് സ്റ്റേഷനില്‍ എത്തിക്കും. ഒമ്പതാം ക്ലാസ് വിദ്യാര്‍ത്ഥിയാണ് ശ്രീഹരി. ഇന്നലെ ഉച്ചയോടെയായിരുന്നു കുട്ടിയെ കാണാതായത്. അമ്മ വഴക്ക് പറഞ്ഞതിനെ തുടര്‍ന്ന് വീടുവിട്ടിറങ്ങിയതായിരുന്നു. കുട്ടിയെ വിശദമായി ചോദ്യം ചെയ്യുമെന്ന് പൊലീസ് അറിയിച്ചു.