വീണ്ടും ജീവനെടുത്ത് കാട്ടാന; വാഴച്ചാലില് രണ്ടുപേർ കൊല്ലപ്പെട്ടു
ചാലക്കുടി: വാഴച്ചാലില് കാട്ടാനയുടെ ആക്രമണത്തില് രണ്ടു മരണം. വാഴച്ചാല് സ്വദേശികളായ അംബിക, സതീശ് എന്നിവരാണ് മരിച്ചത്. ഇരുവരും കഴിഞ്ഞ ദിവസം വനവിഭവങ്ങള് ശേഖരിക്കാന് കാട്ടില്പ്പോയതായിരുന്നു. രാത്രിയായിട്ടും തിരിച്ചെത്താത്തതിനെ തുടര്ന്ന് രാവിലെ നടത്തിയ അന്വേഷണത്തിലാണ് മൃതദേഹങ്ങള് കണ്ടെത്തിയത്. ഞായറാഴ്ച രാത്രി അതിരപ്പിള്ളിയിൽ കാട്ടാനയുടെ ആക്രമണത്തിൽ യുവാവ് കൊല്ലപ്പെട്ടിരുന്നു. അടിച്ചിൽതൊട്ടി മേഖലയിലെ തമ്പാന്റെ മകൻ സെബാസ്റ്റ്യൻ (20) ആണ് മരിച്ചത്. ഞായറാഴ്ച രാത്രി 10 മണിയോടെ വനത്തിൽനിന്നു സെബാസ്റ്റ്യനും കൂട്ടുകാരും തേൻ ശേഖരിച്ച് തിരിച്ചുവരുമ്പോൾ ആയിരുന്നു കാട്ടാന ആക്രമണം ഉണ്ടായത്.
Read more
