കൊല്ലം: ദൂരപരിധി നിയന്ത്രണമില്ലാതെ ദീർഘദൂര സ്വകാര്യ ബസുകളുടെ യാത്രാനുമതികൾ പുതുക്കി നൽകാൻ മോട്ടോർവാഹന വകുപ്പ് നടപടി തുടങ്ങി. കൊല്ലം–കുമളി, എറണാകുളം–കുമളി, കോട്ടയം–കുമളി, കോഴിക്കോട്–എറണാകുളം തുടങ്ങിയ പ്രധാന പാതകളിലാണ് പുതുക്കൽ നടപ്പാക്കിയിരിക്കുന്നത്. ദീർഘദൂര സർവീസുകൾ നടത്തിയിരുന്ന ഏകദേശം 241 സ്വകാര്യ ബസുകൾക്കും ആവശ്യമായ നിബന്ധനകൾ പാലിക്കുന്നതിനനുസരിച്ച് യാത്രാനുമതി ഉടൻ പുതുക്കി നൽകുമെന്നാണ് സൂചന. 140 കിലോമീറ്ററിന് മുകളിലുള്ള പാതകളിൽ സ്വകാര്യ ബസുകൾ ഓടുന്നതിന് ഉണ്ടായിരുന്ന നിയന്ത്രണം ഹൈക്കോടതി മുമ്പ് റദ്ദാക്കിയിരുന്നു. ഈ വിധിക്ക് മാസങ്ങൾക്കുശേഷമാണ് നിലവിലുള്ള അനുമതികൾ പുതുക്കുകയും […]