ചെന്നൈ: തമിഴ്നാട് തിരുവള്ളൂരില്‍ ചരക്കു ട്രെയിനിനു തീപിടിച്ചു. ഡീസല്‍ കയറ്റിവന്ന വാഗണുകള്‍ക്കാണ് തീപിടിച്ചത്. സംഭവത്തെ തുടര്‍ന്ന് ട്രെയിന്‍ ഗതാഗതം തടസ്സപ്പെട്ടു. രാവിലെയാണ് അപകടമുണ്ടായത്. ആളപായമില്ലെന്ന് അധികൃതര്‍ പറഞ്ഞു. രക്ഷാ പ്രവര്‍ത്തകര്‍ സ്ഥലത്തെത്തി തീ നിയന്ത്രിക്കാനുള്ള ശ്രമങ്ങള്‍ നടത്തുകയാണെന്നും ആളപായമില്ലെന്ന് എസ്പി എ.ശ്രീനിവാസ പെരുമാള്‍ മാധ്യമങ്ങളോട് പറഞ്ഞു. മണാലിയില്‍നിന്ന് തിരുപ്പതിയിലേക്ക് വരുകയായിരുന്നു ട്രെയിന്‍. തീപിടിത്തത്തെ കുറിച്ച് അന്വേഷണം ആരംഭിച്ചു. എട്ട് ട്രെയിനുകള്‍ റദ്ദാക്കിയതായി ദക്ഷിണ റെയില്‍വേ അറിയിച്ചു.