തിരുവനന്തപുരം: ആരോഗ്യവകുപ്പിലെ ബിജെപി നേതാവിന്റെ നിയമനം വിവാദമായതിന് പിന്നാലെ നടപടിയുമായി സർക്കാർ. ബിജെപി പെൻഷണേഴ്സ് സെൽ കൺവീനർ രതീഷ് ആർ. നായരെ പിരിച്ചുവിടാൻ ആരോഗ്യവകുപ്പ് മന്ത്രി കെ. മുരളീധരൻ നിർദേശം നൽകിയെന്നാണ് വിവരം. ബിജെപി നേതാവിനെ സർക്കാർ സർവീസിൽ നിയമിച്ചെന്ന റിപ്പോർട്ട് പുറത്തുവന്നതിന് പിന്നാലെയാണ് നടപടി. രതീഷിന്റെ നിയമനം മന്ത്രിയോ മന്ത്രിയുടെ ഓഫീസോ അറിഞ്ഞിരുന്നില്ലെന്ന് മന്ത്രി കെ. മുരളീധരൻ പ്രതികരിച്ചു. രതീഷ് ബിജെപി നേതാവാണെന്ന കാര്യത്തിൽ സംശയമില്ലെന്നും നിയമവശം പരിശോധിച്ച ശേഷം തുടർനടപടി സ്വീകരിക്കുമെന്നും മന്ത്രി വ്യക്തമാക്കി. […]