ഒടുവില്‍ മുട്ടിക്കൊമ്പനെ മയക്കുവെടി വെച്ചു; ജനങ്ങള്‍ക്ക് ആശ്വാസം
സുല്‍ത്താന്‍ ബത്തേരി: വയനാട് വടക്കനാട്-വള്ളുവാടി മേഖലയിലെ ജനങ്ങളുടെ ജീവന് ഭീഷണിയായി ദിവസങ്ങളോളം വിലസിയ കാട്ടാനയെ മയക്കുവെടി വെച്ചു. ഇന്ന് രാവിലെയാണ് മുട്ടിക്കൊമ്പന്‍ എന്ന് വിളിക്കുന്ന കാട്ടാനയെ വനം വകുപ്പ് സംഘം മയക്കുവെടി വെച്ചത്. കഴിഞ്ഞ 12 ദിവസമായി വനംവകുപ്പിന്റെ നിരീക്ഷണത്തിലായിരുന്നു ആന. കഴിഞ്ഞ മാസം ആന ഒരാളെ കൊന്നിരുന്നു. ഇതോടെയാണ് ആനയെ മയക്കുവെടി വെച്ച് പിടി കൂടാന്‍ ചീഫ് വൈല്‍ഡ് ലൈഫ് വാര്‍ഡന്‍ ഉത്തരവിട്ടത്. ഇതോടെ പ്രത്യേക ദൗത്യ സംഘം തെരച്ചില്‍ ആരംഭിച്ചിരുന്നു.
Read more
