കൊച്ചി:എറണാകുളം ജില്ലയിൽ പോലീസിൻ്റെ ഭാഗത്തുനിന്നുണ്ടായ ഗുരുതരമായ അനാസ്ഥയ്‌ക്കെതിരെ നാട്ടുകാർ പ്രതിഷേധിക്കുന്നു. മോഷ്ടാവിനെ പിടികൂടിയിട്ടും കസ്റ്റഡിയിലെടുക്കാതെ പോലീസ് ഓടിച്ചുവിട്ടതായാണ് പരാതി ഉയർന്നിരിക്കുന്നത്. ഇതിന് പിന്നാലെ ഇതേ മോഷ്ടാവ് വീണ്ടും മോഷണത്തിനെത്തുകയും നാട്ടുകാർ ഉണർന്നതോടെ ഓടി രക്ഷപ്പെടുകയും ചെയ്തു. ഇന്ന് പുലർച്ചെ 1.30-ഓടെ ആലുവ മണപ്പുറം ശിവ ടെമ്പിൾ റോഡിൽ, എറണാകുളം റൂറൽ എസ്പിയുടെ വീടിന് തൊട്ടടുത്താണ് ഈ നാടകീയ സംഭവങ്ങൾ അരങ്ങേറിയത്. കമ്പിപ്പാര ഉപയോഗിച്ച് വീടിൻ്റെ പിൻവാതിലും ജനലുകളും തകർത്താണ് മോഷ്ടാവ് അകത്തുകടന്നത്. ശബ്ദം കേട്ട് വീട്ടുകാർ ഉണർന്നതോടെ […]