പാക്കിസ്ഥാനെതിരെ നടപടി കടുപ്പിച്ച് ഇന്ത്യ. പാക്കിസ്ഥാനിൽ നിന്നുള്ള കയറ്റ് – ഇറക്കു മതികൾ നിരോധിച്ചുകൊണ്ടുള്ള ഉത്തരവ് വാണിജ്യ വ്യവസായ മന്ത്രാലയം ഇറക്കി. പാക്കിസ്ഥാനിൽനിന്ന് നേരിട്ടും അല്ലാതെയും ഉള്ള കയറ്റ് ഇറക്കുമതികൾക്കാണ് നിരോധനം. ദേശീയ സുരക്ഷയും പൊതു നിയമവും കണക്കിലെടുത്താണ് പാക്കിസ്ഥാനുമായുള്ള വ്യാപാരബന്ധത്തിൽ നിന്നും ഇന്ത്യ പിന്മാറുന്നത്.
രണ്ടു മാസത്തേക്ക് ആവശ്യമായ ഭക്ഷണം സംഭരിക്കാൻ പാക് അധീന കശ്മീരിലെ ജനങ്ങൾക്ക് ഉത്തരവ് നൽകി. പാക് അധീന കശ്മീരിലെ പ്രധാനമന്ത്രി ചൗധരി അൻവർ ഉൾ ഹഖ് ആണ് ഉത്തരവ് ഇട്ടത്. പാക് അധീന കശ്മീരിലെ വെടിക്കെട്ട്, ഉച്ചഭാഷിണി ഉപയോഗം എന്നിവയ്ക്ക് പൂർണ്ണ നിരോധനം ഏർപ്പെടുത്തി. എൽഒസിക്ക് സമീപമുള്ള ശാഖകൾ പാക്കിസ്ഥാൻ ബാങ്കുകൾ അടച്ചുപൂട്ടി. പാക് അധീന കശ്മീരിലെ ഗ്രാമീണർക്ക് പാക് സൈന്യം ആയുധ പരിശീലനവും നൽകുന്നുണ്ട്.
