ഇസ്ലാമാബാദ്: പാകിസ്താൻ ഉപപ്രധാനമന്ത്രി ഇഷഖ് ധർ ചൈനയിലേക്ക്. ചൈനീസ് വിദേശകാര്യ മന്ത്രി വാങ് യിയുമായി ചർച്ചകൾ നടത്താനാണ് ഇഷഖ് ധർ പോകുന്നത്. ഇന്ത്യയുമായുളള സംഘർഷത്തിൽ വലിയ തിരിച്ചടി നേരിട്ടതിന് പിന്നാലെയാണ് നീക്കം.

ഇരുരാജ്യങ്ങളും തമ്മിലുളള നയതന്ത്ര ബന്ധം, സാമ്പത്തിക ചർച്ചകൾ, പ്രതിരോധ സഹകരണം, മേഖലയിലെ സുരക്ഷ എന്നിവ ഇരു രാജ്യങ്ങളും ചർച്ചചെയ്തേക്കും. പ്രതിനിധി സംഘത്തിന്റെ അകമ്പടിയോടെയാണ് ഉപപ്രധാനമന്ത്രിയുടെ യാത്ര. ചൈനയിലെത്തുന്ന അഫ്ഘാനിസ്ഥാൻ വിദേശകാര്യ മന്ത്രിയുമായും ധർ ചർച്ച നടത്തും.