ധാക്ക: ഏഷ്യന് ക്രിക്കറ്റ് കൗണ്സിലിന്റെ യോഗം ബഹിഷ്കരിക്കാനുള്ള തീരുമാനത്തിൽ ബിസിസിഐ. ബംഗ്ലാദേശിലെ നിലവിലെ രാഷ്ട്രീയ സഹാചര്യങ്ങള് പരിഗണിച്ച് യോഗവേദി ധാക്കയില് നിന്ന് മാറ്റണമെന്നാണ് ബിസിസിഐയുടെ ആവശ്യം. വേദി ധാക്കയില് നിന്ന് മാറ്റിയിലെങ്കില് യോഗം ബഹിഷ്കരിക്കുമെന്നും ബിസിസിഐ വ്യക്തമാക്കി.
ഇതോടെ ഇന്ത്യ വേദിയാവുന്ന ഈ വര്ഷത്തെ ഏഷ്യാ കപ്പിന്റെ ഭാവി അനിശ്ചിതത്വത്തിലായിരിക്കുകയാണ്. ഇന്ത്യ – പാകിസ്ഥാന് മത്സര വേദിയും ബാക്കി മത്സരങ്ങളുടെ ഷെഡ്യൂളും ഉള്പ്പടെയുള്ള കാര്യങ്ങള് തീരുമാനിക്കാനാണ് ധാക്കയില് ഏഷ്യന് ക്രിക്കറ്റ് കൗണ്സില് യോഗം നിശ്ചയിച്ചിരിക്കുന്നത്. വേദി മാറ്റിയിലെങ്കിൽ യോഗതീരുമാനങ്ങള് അംഗീകരിക്കില്ലെന്നാണ് ബിസിസിഐ നിലപാട്.
