നവകേരള നിർമാണത്തിന് സർക്കാർ പ്രതിജ്ഞാബദ്ധമാണെന്ന് ഗവർണർ രാജേന്ദ്ര ആര്ലേക്കര് നയപ്രഖ്യാപന പ്രസംഗത്തില് പറഞ്ഞു. ഗവര്ണറായി രാജേന്ദ്ര ആര്ലേക്കര് ചുമതലയേറ്റ ശേഷമുള്ള ആദ്യ നയപ്രഖ്യാപന പ്രസംഗമാണ് ഇന്നത്തേത്. നവകേരളം എന്ന ലക്ഷ്യത്തോടെയാണ് മുന്നേറുന്നതെന്നും ഭൂരഹിതരില്ലാത്ത കേരളമാക്കി മാറ്റുകയാണ് ലക്ഷ്യം എന്നും ഗവർണർ വ്യക്തമാക്കി.
കഴിഞ്ഞ 10 വര്ഷത്തിനിടെ സംസ്ഥാനം വലിയ പ്രകൃതി ദുരന്തങ്ങള്ക്ക് ഇരയായി. കാലാവസ്ഥ വ്യതിയാനം നേരിടാന് കേന്ദ്രസഹായത്തോടെ പദ്ധതി ആവിഷ്കരിക്കും. കൂടാതെ വികസന നേട്ടങ്ങളില് കേരളം മാതൃകയാണ് എന്നും വിദ്യാഭ്യാസം ആരോഗ്യം, ദാരിദ്ര്യ നിര്മ്മാര്ജ്ജനം തുടങ്ങിയവയ്ക്ക് മുന്ഗണന എന്നും നയപ്രഖ്യാപനത്തിൽ ഗവർണർ പറഞ്ഞു . 640004 അതിദരിദ്രരെ കണ്ടെത്തി.
ഇവരുടെ പ്രശ്നം പരിഹരിക്കാന് നടപടി തുടങ്ങി. ആരോഗ്യവിദ്യാഭ്യാസ മേഖലകളില് സംസ്ഥാനം വന് പുരോഗതി നേടി. ഉന്നത വിദ്യാഭ്യാസമേഖലയിലെ നേട്ടം എടുത്തു പറയേണ്ടതാണ് എന്നും നയപ്രഖ്യാപന പ്രസംഗത്തില് ഗവര്ണര് വ്യക്തമാക്കി. കൂടാതെ .ഉരുള്പൊട്ടല് ദുരന്തമുണ്ടായ വയനാട് പുനരധിവാസം സര്ക്കാരിന്റെ കടമയാണ്. ഒരു വര്ഷത്തിനകം ടൗണ്ഷിപ്പ് നിര്മ്മിക്കും എന്നും ഗോവെർണർ പറഞ്ഞു.
