മലപ്പുറം : യൂഡിഎഫിന് മുമ്പിൽ പുതിയ ഉപാധികളുമായി പി വി അൻവർ. നിലമ്പൂര്‍ ഉപതെരഞ്ഞെടുപ്പില്‍ നാമനിര്‍ദേശ പത്രിക പിന്‍വലിക്കുന്നതിനുള്ള അവസാന ദിവസമായ ഇന്നാണ് പുതിയ ഉപാധികളോടെ അൻവർ എത്തിയത്. യൂഡിഎഫ് അധികാരത്തിലെത്തിയാൽ വനം വകുപ്പും ആഭ്യന്തര വകുപ്പും തനിക്ക് നൽകണം, അല്ലെങ്കിൽ വിഡി സതീശനെ പ്രതിപക്ഷ നേതാവിന്റെ സ്ഥാനത്തുനിന്നു മാറ്റുകയോ ചെയ്യണമെന്നാണ് അൻവറിന്റെ ആവശ്യം. കൂടാതെ വി ഡി സതീശൻ മുക്കാൽ പിണറായി ആണെന്നും യുഡിഎഫിലേക്കുള്ള വാതിൽ ഒറ്റയടിക്ക് അടച്ചത് സതീശനാണെന്നും അൻവർ ആരോപിച്ചു. ഉപതെരഞ്ഞെടുപ്പിൽ നിന്ന് താൻ പിന്മാറില്ലെന്നും അൻവർ വ്യക്തമാക്കി.