തിരുവനന്തപുരം : സംസ്ഥാനത്ത് കോവിഡ് കേസുകൾ വർദ്ധിക്കുന്ന സാഹചര്യത്തിൽ രോഗ ലക്ഷണമുള്ളവർ മാസ്ക് ധരിക്കണമെന്ന് നിർദേശിച്ച് ആരോഗ്യവകുപ്പ്. പ്രായമായവരും, ഗര്ഭിണികളും , മറ്റ് രോഗങ്ങൾ ഉള്ളവരും പൊതുയിടങ്ങളിലും യാത്രകളിലും മാസ്ക് ധരിക്കുന്നത് അഭികാമ്യമാണ് എന്നും ആരോഗ്യ വകുപ്പ് അറിയിച്ചു. ആശുപത്രികളില് മാസ്ക് നിര്ബന്ധമാണ്. അനാവശ്യ ആശുപത്രി സന്ദര്ശനം ഒഴിവാക്കണം. ജലദോഷം, തൊണ്ടവേദന, ചുമ, ശ്വാസതടസം തുടങ്ങിയ രോഗലക്ഷണങ്ങള് ഉള്ളവര് നിര്ബന്ധമായും മാസ്ക് ധരിക്കണമെന്ന് ജാഗ്രത നിർദേശവും ഉണ്ട്.
ചില സ്വകാര്യ ആശുപത്രികള് കോവിഡ് സ്ഥിരീകരിച്ചാൽ റഫര് ചെയ്യുന്ന നടപടിയുണ്ട്. ഇതു ശരിയല്ലെന്ന് മന്ത്രി പറഞ്ഞു.അതേസമയം കേരളത്തിൽ മെയിൽ 182 കോവിഡ് കേസുകളാണ് റിപ്പോര്ട്ട് ചെയ്തിട്ടുള്ളത്. ഏറ്റവും കൂടുതൽ കേസ് റിപ്പോർട്ട് ചെയ്തിരിക്കുന്നത് കോട്ടയത്താണ്. 57 കേസുകളാണ് ഇവിടെ റിപ്പോർട്ട് ചെയ്തിരിക്കുന്നത്. കൂടാതെ എറണാകുളത്ത് 34 കേസുകളും തിരുവനന്തപുരത്ത് 30 കേസുകളും റിപ്പോര്ട്ട് ചെയ്തിട്ടുണ്ട്.
