നിലമ്പൂർ: വികസന നേട്ടങ്ങൾ എണ്ണിപ്പറഞ്ഞ് നിലമ്പൂരിൽ അധികാരം പിടിക്കാൻ ഇടതുപക്ഷം ശ്രമിക്കുകയാണ്. ഇപ്പോഴിതാ ഇടതുപകസത്തിന്റെ ഈ ശ്രമത്തിന് പിന്തുണയുമായി എത്തിയിരിക്കുകയാണ് അഖില ഭാരത ഹിന്ദുമഹാസഭ. എൽഡിഎഫ് സ്ഥാനാർത്ഥി എം. സ്വരാജിനെ അഖില ഭാരത ഹിന്ദുമഹാസഭ പിന്തുണക്കും എന്ന് സംസ്ഥാന പ്രസിഡന്റ് സ്വാമി ദത്താത്രേയ സായി സ്വരൂപനാഥ് നിലമ്പൂരിൽ നടത്തിയ വാർത്താസമ്മേളനത്തിൽ വ്യക്തമാക്കിയിരുന്നു. എൽഡിഎഫിന്റെ ജയം കാലഘട്ടത്തിന്റെ ആവശ്യമെന്നും സ്വാമി ദത്താത്രേയ വാർത്താസമ്മേളനത്തിൽ പറഞ്ഞു. കൂടതെ കേരളത്തിൽ പിണറായി സർക്കാർ വികസനത്തിന്റെ തേരോട്ടം നടത്തുകയാണെന്നും ഇദ്ദേഹം വ്യക്തമാക്കി.