ഫുട്ബോൾ ഇതിഹാസം ക്രിസ്റ്റ്യാനോ റൊണാൾഡോയുടെ ക്ലബ് അൽ നസർ ഇന്ത്യയിലേക്ക്. എ.എഫ്.സി ചാംപ്യൻസ് ലീഗ് 2 ടൂർണമെന്റിനായാണ് അൽ നസർ ടീം ഇന്ത്യയിലെത്തുക. ടൂർണമെൻ്റിൽ അൽ നസറും ഐ.എസ്.എൽ ക്ലബായ എഫ്.സി ഗോവയും ഒരേ ഗ്രൂപ്പിലാണ് ഉൾപ്പെട്ടിരിക്കുന്നത്. എവേ മത്സരത്തിനായി ടീം ഗോവയിലെത്തും. എന്നാൽ മത്സരത്തിനായി റൊണാൾഡോ വരുമോയെന്ന കാര്യത്തിൽ സ്ഥിരീകരണമില്ല. അൽ നസറുമായുള്ള കരാർ പ്രകാരം എവേ മത്സരങ്ങൾക്ക് പോകണമെന്ന് റോണോക്ക് നിർബന്ധമില്ല.