തിരുവനന്തപുരം: നടൻ മമ്മൂട്ടിയുടെ ജന്മദിനത്തോടനുബന്ധിച്ച് മമ്മൂട്ടി ഫാൻസ് ആൻഡ് വെൽഫെയർ അസോസിയേഷൻ ഇന്റർനാഷണൽ സംഘടിപ്പിക്കുന്ന 40,000 യൂണിറ്റ് രക്തദാന ക്യാമ്പെയിനിന് പിന്തുണയുമായി എംജിഎം ഗ്രൂപ്പ്. കേരളത്തിലെ വിവിധ ജില്ലകളിലായി 30 വിദ്യാഭ്യാസ സ്ഥാപനങ്ങളുടെ ശൃംഖലയാണ് എംജിഎം ഗ്രൂപ്പ്. എംജിഎമ്മിന് കീഴിലുള്ള വിവിധ വിദ്യാഭ്യാസ സ്ഥാപനങ്ങളിലെ വിദ്യാർഥികൾ, അധ്യാപകർ, പി.ടി.എ പ്രതിനിധികൾ, നാട്ടുകാർ എന്നിവരടങ്ങുന്ന വിപുലമായ കൂട്ടായ്മയാണ് രക്തദാന ക്യാമ്പെയിനിൽ പങ്കാളികളാകുന്നത്. സ്ഥാപനങ്ങളിൽ പ്രത്യേകം സംഘടിപ്പിക്കുന്ന രക്തദാന ക്യാമ്പുകളിലൂടെയാണ് ജീവകാരുണ്യ പ്രവർത്തനം നടപ്പാക്കുന്നത്. അതത് സ്ഥാപനങ്ങളിലെ എൻ.എസ്.എസ് യൂണിറ്റുകൾ […]