ചെന്നൈ: കാവേരി നദീജല തർക്കത്തിൽ കർണാടകത്തിന് തിരിച്ചടി. 12 ടിഎംസി വെള്ളം തമിഴ്നാടിന് വിട്ടുനൽകാൻ കാവേരി വാട്ടർ റെഗുലേറ്ററി കമ്മിറ്റി (CWRC) നിർദേശിച്ചു. ദിവസവും 12 ക്യുസെക്സ് വെള്ളം വീതം 15 ദിവസത്തേക്ക് നൽകാനാണ് നിർദേശം. കാവേരി നദിയിലെ ജലലഭ്യതയും ഇരുസംസ്ഥാനങ്ങളിലെയും ആവശ്യങ്ങളും പരിഗണിച്ചാണ് നിർദേശം. കർണാടകയും തമിഴ്നാടും തമ്മിലുള്ള കാവേരി ജല തർക്കം തുടരുന്നതിനിടെയാണ് പുതിയ നിർദേശം വന്നിരിക്കുന്നത്.