തിരുവനന്തപുരം: അങ്കണവാടിയില്‍ നിന്ന് ലഭിച്ച അമൃതം പൊടി പാക്കറ്റില്‍ ചത്ത പല്ലിയെ കണ്ടെത്തിയതായി പരാതി. തിരുവനന്തപുരം വെള്ളനാട് ചാങ്ങയിലാണ് സംഭവം. ചാങ്ങ പണ്ടാരവീട്ടില്‍ വൈഷ്ണവിയാണ് സംഭവത്തില്‍ പരാതി നല്‍കിയത്. ഒരു വയസുള്ള കുഞ്ഞിന് നല്‍കുന്നതിനായി ഓഗസ്റ്റ് 19ന് ചാങ്ങ ഏഴാം നമ്പര്‍ അങ്കണവാടിയില്‍ നിന്ന് വാങ്ങിയ അമൃതം പൊടി പാക്കറ്റിലാണ് പല്ലിയെ കണ്ടെത്തിയതെന്നാണ് വൈഷ്ണവിയുടെ പരാതി. പൊടി മറ്റൊരു പാത്രത്തിലേക്ക് മാറ്റുന്നതിനിടെയാണ് പാക്കറ്റിനുള്ളില്‍ ചത്ത പല്ലി ശ്രദ്ധയില്‍പ്പെട്ടത്. കാട്ടാക്കട ആമച്ചലിലെ പ്രകൃതി ന്യൂട്രിമിക് നിര്‍മിച്ച അമൃതം പൊടിയാണ് […]