കണ്ണൂർ: വീട്ടിലെ നിലവിളക്കിൽ നിന്ന് തീ പടർന്ന് വസ്ത്രത്തിൽ പിടിച്ചു പൊള്ളലേറ്റ വയോധിക മരിച്ചു. ആലക്കോട് നെല്ലിപ്പാറ കട്ടയാലിന് സമീപം താഴെ മഞ്ഞക്കാട്ടെ കൊച്ചുപറമ്പിൽ അമ്മിണി (70) ആണ് മരിച്ചത്. വെള്ളിയാഴ്ച വൈകുന്നേരം ആറരയോടെയായിരുന്നു സംഭവം. വീട്ടിൽ പ്രാർത്ഥനയ്ക്കായി കത്തിച്ചു വെച്ചിരുന്ന നിലവിളക്കിന് സമീപത്തേക്ക് വരുന്നതിനിടെ അമ്മിണി ധരിച്ചിരുന്ന വസ്ത്രത്തിൽ തീ പടരുകയായിരുന്നു. നിലവിളക്കിലെ നാളത്തിൽ നിന്ന് വസ്ത്രത്തിലേക്ക് തീ പടരുന്നത് ശ്രദ്ധയിൽപ്പെട്ട വീട്ടുകാരും അയൽവാസികളും ചേർന്ന് ഉടൻ തന്നെ തീ അണയ്ക്കുകയും ഇവരെ കണ്ണൂരിലെ സ്വകാര്യ […]