റായ്പൂർ: 24 മണിക്കൂറും റേഷൻ ലഭ്യമാക്കുന്ന പുതിയ സംവിധാനവുമായി ഛത്തീസ്ഗഡ്. ‘അന്നപൂർതി ഗ്രെയിൻ എടിഎം’ എന്ന സംവിധാനത്തിലൂടെയാണ് റേഷൻ കടകളിൽ നിന്ന് ലഭിക്കുന്ന അരി, ഗോതമ്പ് തുടങ്ങിയ ഭക്ഷ്യധാന്യങ്ങൾ വിതരണം ചെയ്യുന്നത്. സാധാരണ എടിഎമ്മിൽ നിന്ന് പണം ലഭിക്കുന്നതിന് പകരം ഈ മെഷീനിൽ നിന്ന് ഭക്ഷ്യധാന്യങ്ങളാണ് ലഭിക്കുക. റേഷൻ വാങ്ങാൻ പ്രത്യേക ദിവസമോ സമയമോ ആവശ്യമില്ലെന്നതാണ് പ്രധാന പ്രത്യേകത. ആവശ്യക്കാർക്ക് ഏത് സമയത്തും മെഷീന്റെ സേവനം ഉപയോഗിക്കാം. റേഷൻ കാർഡും വിരലടയാളവും ഉപയോഗിച്ചാണ് മെഷീനിൽ വിവരങ്ങൾ നൽകേണ്ടത്. […]