കൊച്ചി: ഏലൂർ വ്യവസായ മേഖലയിൽ നിന്ന് പെരിയാറിലേക്ക് മാലിന്യം ഒഴുക്കിയതായി പരാതി. ഇന്ന് രാവിലെ ഏഴുമണിയോടെ പുഴയിൽ വ്യാപകമായി പതയും നുരയും കണ്ടെത്തുകയായിരുന്നു. കുടിവെള്ള പദ്ധതികൾക്ക് ഉൾപ്പെടെ ആശ്രയിക്കുന്ന പെരിയാറിലാണ് വീണ്ടും മാലിന്യക്കാഴ്ചയുണ്ടായത്. ഏലൂർ, പാതാളം, ബിനാനിപുരം മേഖലകളിലാണ് രാവിലെ പുഴയിൽ നുര കണ്ടെത്തിയത്. പെരിയാറിന്റെ ഇരുകരകളിലുമായി പ്രവർത്തിക്കുന്ന വ്യവസായ സ്ഥാപനങ്ങളിൽനിന്ന് മാലിന്യം ഒഴുകിയെത്തുന്നത് ഇതാദ്യമല്ല. 24 മണിക്കൂറും നിരീക്ഷണ സംവിധാനമുണ്ടെന്ന് പറയുന്ന മലിനീകരണ നിയന്ത്രണ ബോർഡിന്റെ സംവിധാനങ്ങൾ നിലനിൽക്കെയാണ് വീണ്ടും മാലിന്യമൊഴുക്കിയത്. വേലിയേറ്റം ആരംഭിച്ചതോടെ നുരയുടെ […]