കൊൽക്കത്ത: തൃണമൂൽ കോൺഗ്രസിൽ ആഭ്യന്തര ഭിന്നതകൾ രൂക്ഷമാകുന്നതിനിടെ പാർട്ടി എംപിയും മുതിർന്ന നേതാവുമായ കല്യാൺ ബാനർജി, തൃണമൂൽ ദേശീയ ജനറൽ സെക്രട്ടറിയും എംപിയുമായ അഭിഷേക് ബാനർജിക്കെതിരെ പരസ്യമായി രംഗത്തെത്തി. അഭിഷേകിന്റെ പെരുമാറ്റം തന്നെ അപമാനിക്കുന്നതായിരുന്നുവെന്നും അദ്ദേഹത്തിന് മുതിർന്നവരെ ബഹുമാനിക്കാൻ അറിയില്ലെന്നും കല്യാൺ ബാനർജി ആരോപിച്ചു. വ്യാജ ഒപ്പ് ചമച്ച കേസിൽ അഭിഷേക് ബാനർജിക്കായി കോടതിയിൽ ഹാജരാകാൻ തന്നെ ചുമതലപ്പെടുത്തിയിരുന്നെങ്കിലും അവസാന നിമിഷം അഭിഭാഷകനെ മാറ്റിയതായി അറിയിക്കുകയായിരുന്നുവെന്ന് കല്യാൺ ബാനർജി പറഞ്ഞു. ഇത് തനിക്കെതിരായ അവഹേളനമാണെന്നും അദ്ദേഹം പ്രതികരിച്ചു. […]