തിരുനാവായ: കേരള കുംഭമേളയിൽ പങ്കെടുക്കാൻ പ്രധാനമന്ത്രി നരേന്ദ്ര മോദി എത്തിയേക്കുമെന്നു സൂചന. ജനുവരി 15ന് ആണ് തിരുനാവായയിൽ കുംഭമേള തുടങ്ങുന്നത്. 51 ദിവസങ്ങളിലാണ് ഇത്തവണ മഹാമാഘ ഉത്സവമായ കുംഭമേള നടക്കുന്നത്. ഉത്സവത്തിന്റെ തുടക്കത്തിലോ അവസാന സമയത്തോ പ്രധാനമന്ത്രി എത്തിയേക്കുമെന്നാണു സൂചനയുള്ളത്. പ്രധാനമന്ത്രിയെ സംഘാടകർ ഔദ്യോഗികമായി ക്ഷണിക്കും. പിന്നീടാണ് എത്തുന്ന തിയതി പ്രഖ്യാപിക്കുക. കഴിഞ്ഞ കുംഭമേള നടക്കുന്ന സമയത്ത് പ്രധാനമന്ത്രി മൻ കി ബാത്തിലൂടെ കുംഭമേളയ്ക്ക് ആശംസ നേർന്നിരുന്നു. തിരുവനന്തപുരത്ത് പങ്കെടുത്ത പരിപാടിക്കിടെയും അദ്ദേഹം കുംഭമേളയെ പരാമർശിച്ച് പ്രസംഗിച്ചിരുന്നു. […]