കോഴിക്കോട്: ലുക്കീമിയ ബാധിച്ച് ചികിത്സയിലായിരുന്ന 12 വയസ്സുകാരൻ മരിച്ചു. കൊയിലാണ്ടി പെരുവട്ടൂർ താഴെവരൂണ്ട സ്വദേശികളായ സജിത്- ജിസ്ന ദമ്പതികളുടെ മകൻ കാർത്തിക് ആണ് മരിച്ചത്. മലബാർ കാൻസർ സെന്ററിൽ ചികിത്സയിലിരിക്കെയാണ് കാർത്തിക് മരണത്തിന് കീഴടങ്ങിയത്. മജ്ജ മാറ്റിവെക്കൽ ശസ്ത്രക്രിയയിലൂടെ കാർത്തിക്കിനെ ജീവിതത്തിലേക്ക് തിരികെ കൊണ്ടുവരാമെന്ന പ്രതീക്ഷയിലായിരുന്നു കുടുംബം. ചികിത്സാ ചെലവിനായി നാട്ടുകാരുടെയും ജനപ്രതിനിധികളുടെയും നേതൃത്വത്തിൽ സഹായ കമ്മിറ്റി രൂപീകരിച്ച് ധനസമാഹരണം നടത്തുന്നതിനിടെയാണ് ദുഃഖകരമായ സംഭവം ഉണ്ടായത്. കുറുവങ്ങാട് സെൻട്രൽ സ്കൂളിലെ വിദ്യാർത്ഥിയായിരുന്നു കാർത്തിക്. സഹോദരൻ ദ്രുപത് ആണ്.