തിരുവനന്തപുരം: പശ്ചിമഘട്ടത്തിന്റെ മനോഹരമായ പ്രകൃതിക്കാഴ്ചകൾ ആസ്വദിച്ച് യാത്ര ചെയ്യാൻ അവസരമൊരുക്കി കേരളത്തിലേക്ക് വിസ്റ്റാഡോം കോച്ച് അനുവദിച്ച് ദക്ഷിണ റെയിൽവേ. ചരിത്രത്തിലാദ്യമായി സെങ്കോട്ട–പുനലൂർ മലയോര റൂട്ടിലൂടെയുള്ള യാത്രയ്ക്കാണ് എക്സിക്യൂട്ടീവ് വിസ്റ്റാഡോം എസി എൽ.എച്ച്.ബി കോച്ച് അനുവദിച്ചിരിക്കുന്നത്. മധുര–ഗുരുവായൂർ–മധുര എക്സ്പ്രസിലായിരിക്കും ഈ സൗകര്യം ലഭിക്കുക. പ്രശസ്തമായ ആര്യങ്കാവ് ചുരം ഉൾപ്പെടെയുള്ള പശ്ചിമഘട്ടത്തിലെ പ്രകൃതിഭംഗി അടുത്തറിയാൻ യാത്രക്കാർക്ക് ഇതിലൂടെ സാധിക്കും. മലനിരകളും പച്ചപ്പും വളഞ്ഞുപുളഞ്ഞ മലമ്പാതകളും ആസ്വദിച്ചുള്ള യാത്ര വിനോദസഞ്ചാരികൾക്ക് പുതിയ അനുഭവമാകും. മധുരയിൽനിന്ന് വ്യാഴം, വെള്ളി, ശനി, ഞായർ ദിവസങ്ങളിൽ […]