കണ്ണൂർ: മുഖ്യമന്ത്രി പിണറായി വിജയനെ എൻഡിഎയിലേക്ക് സ്വാഗതം ചെയ്ത് കേന്ദ്രമന്ത്രി രാംദാസ് അതാവലെ. എൻഡിഎയിൽ ചേർന്നാൽ കേന്ദ്രത്തിൽ നിന്ന് കേരളത്തിന് കൂടുതൽ ധനസഹായം ലഭിക്കുമെന്ന് അദ്ദേഹം പറഞ്ഞു. കമ്മ്യൂണിസ്റ്റ് പാർട്ടി ബിജെപിയെ എതിർക്കാം, എന്നാൽ വികസനത്തെ എതിർക്കരുതെന്നും അതാവലെ വ്യക്തമാക്കി. കേരളത്തിൽ നിന്ന് കൂടുതൽ പേർ റിപ്പബ്ലിക് പാർട്ടിയിൽ ചേരുന്നുണ്ടെന്നും അദ്ദേഹം പറഞ്ഞു. പിണറായി വിജയൻ എൻഡിഎയിൽ ചേരുന്നത് വിപ്ലവകരമായ തീരുമാനമായിരിക്കുമെന്നും, ഭരണത്തുടർച്ച ഉറപ്പാക്കണമെങ്കിൽ മുഖ്യമന്ത്രി എൻഡിഎയിലേക്ക് വരണമെന്നും കേന്ദ്രമന്ത്രി അഭിപ്രായപ്പെട്ടു.