ശ്രീഹരിക്കോട്ട: ഇന്ത്യൻ സ്വകാര്യ കമ്പനി വികസിപ്പിച്ച ഓർബിറ്റൽ റോക്കറ്റ് വിക്രം-1ന്റെ വിക്ഷേപണത്തിന് മുന്നോടിയായുള്ള കൗണ്ട് ഡൗൺ താൽക്കാലികമായി നിർത്തിവെച്ചു. വിക്ഷേപണത്തിന് അഞ്ച് മിനിറ്റ് മാത്രം ബാക്കിയുള്ളപ്പോഴാണ് കൗണ്ട് ഡൗൺ നിർത്തിയത്. സാങ്കേതിക കാരണമാണോ മറ്റ് പ്രശ്നങ്ങളാണോ ഇതിന് പിന്നിലെന്ന് വ്യക്തമാക്കിയിട്ടില്ല. അൽപ്പ സമയത്തിനകം പരിശോധനകൾ പൂർത്തിയാക്കി കൗണ്ട് ഡൗൺ പുനരാരംഭിക്കുമെന്നാണ് ലഭിക്കുന്ന വിവരം. വിക്രം-1 ഇന്ത്യയിലെ സ്വകാര്യ മേഖല വികസിപ്പിച്ച പ്രധാന ഓർബിറ്റൽ റോക്കറ്റ് പദ്ധതികളിലൊന്നാണ്.