ദുബായ്: യുഎഇയിൽ ഔദ്യോഗിക സൈനിക പരിശീലന ദൗത്യത്തിനിടെ സൈനികൻ വീരമൃത്യു വരിച്ചു. യുഎഇ സായുധസേനയിലെ ഫസ്റ്റ് സോൾജിയർ പദവിയിലുള്ള ഈസ ഗുലൂം അൽ ബലൂഷിയാണ് ശനിയാഴ്ച മരണപ്പെട്ടത് എന്ന് യുഎഇ പ്രതിരോധ മന്ത്രാലയം അറിയിച്ചു. രാജ്യത്തിനകത്ത് നടന്ന നിശ്ചിത പരിശീലന ചുമതലകൾ നിർവഹിക്കുന്നതിനിടെയായിരുന്നു അപകടമുണ്ടായതെന്ന് മന്ത്രാലയം പ്രസ്താവനയിൽ വ്യക്തമാക്കി. സംഭവത്തിന്റെ കൂടുതൽ വിവരങ്ങൾ അധികൃതർ പുറത്തുവിട്ടിട്ടില്ല. ധീരനായ സൈനികന്റെ വിയോഗത്തിൽ യുഎഇ പ്രതിരോധ മന്ത്രാലയം അഗാധമായ ദുഃഖം രേഖപ്പെടുത്തി. അദ്ദേഹത്തിന്റെ കുടുംബാംഗങ്ങൾക്കും ബന്ധുക്കൾക്കും മന്ത്രാലയം അനുശോചനം അറിയിച്ചു. […]