തൃശ്ശൂർ: നിയമസഭാ തിരഞ്ഞെടുപ്പിനോടനുബന്ധിച്ച് കുന്നംകുളം നിയോജകമണ്ഡലത്തിലെ സിപിഐ അംഗങ്ങളിൽ നിന്നും പൊതുജനങ്ങളിൽ നിന്നുമായി സമാഹരിച്ച സ്പെഷ്യൽ ഫണ്ടിന്റെ ആദ്യഘട്ടം മണ്ഡലം സെക്രട്ടറി പ്രേംരാജ് ചൂണ്ടലത്ത് ജില്ലാ നേതൃത്വത്തിന് കൈമാറി. ജില്ലാ അസിസ്റ്റന്റ് സെക്രട്ടറി അഡ്വക്കേറ്റ് ടി ആർ രമേഷ്കുമാർ, വി എസ് പ്രിൻസ്, ഷീന പറയങ്ങാട്ടിൽ എന്നിവർ ചേർന്ന് തുക ഏറ്റുവാങ്ങി. ചടങ്ങിൽ ജില്ലാ കൗൺസിൽ അംഗം കെ ടി ഷാജൻ, മണ്ഡലം കമ്മിറ്റി അംഗങ്ങളായ കെ എം മണികണ്ഠൻ, ടി പി ജോസഫ് എന്നിവർ പങ്കെടുത്തു.

തൃശ്ശൂർ: കാട്ടകാമ്പാൽ ഗ്രാമപഞ്ചായത്ത് വാർഷിക പദ്ധതി രൂപീകരണവുമായി ബന്ധപ്പെട്ട വർക്കിംഗ് ഗ്രൂപ്പ് യോഗത്തിൽ നിന്ന് ഇന്ത്യൻ കമ്മ്യൂണിസ്റ്റ് പാർട്ടിയെ (സിപിഐ) ഒഴിവാക്കിയതിൽ പ്രതിഷേധം. ഗ്രാമസഭാ യോഗങ്ങൾക്ക് മുന്നോടിയായി ചേരുന്ന വർക്കിംഗ് ഗ്രൂപ്പ് യോഗത്തിൽ സിപിഐയെ പങ്കെടുപ്പിക്കാത്തത് ചില നിഷിദ്ധ താല്പര്യങ്ങളെ മുൻനിർത്തി പഞ്ചായത്ത് ഭരണസമിതി സ്വീകരിച്ച ഏകാധിപത്യ സമീപനമാണെന്ന് സിപിഐ ആരോപിച്ചു. ഇത്തരം നടപടികൾ ജനാധിപത്യ രീതിക്ക് വിരുദ്ധമാണെന്നും, ഈ പ്രവണതകൾക്കെതിരെ ശക്തമായ പ്രക്ഷോഭ പരിപാടികളുമായി മുന്നോട്ടുപോകുമെന്നും സിപിഐ കാട്ടകാമ്പാൽ ലോക്കൽ സെക്രട്ടറി പി. കെ. രവീന്ദ്രൻ […]

തൃശ്ശൂർ: എൽഡിഎഫ് വികസന മുന്നേറ്റ തെക്കൻ മേഖലാജാഥയുടെ ഭാഗമായി കുന്നംകുളം മണ്ഡലത്തിൽ പ്രചാരണ പ്രവർത്തനങ്ങൾ ആരംഭിച്ചു. മണ്ഡലം കമ്മിറ്റിയുടെ നേതൃത്വത്തിലാണ് ടൗൺ കേന്ദ്രമായി പ്രചാരണം നടത്തുന്നത്. ജാഥയ്ക്ക് മുന്നോടിയായി ബോർഡ് സ്ഥാപിക്കൽ, ലഘുലേഖ വിതരണം, ജനസമ്പർക്ക പരിപാടികൾ തുടങ്ങിയ പ്രവർത്തനങ്ങൾ പുരോഗമിക്കുകയാണ്. ജാഥ 2026 ഫെബ്രുവരി നാലിന് വൈകീട്ട് ആറു മണിക്ക് കുന്നംകുളം പഴയ ബസ് സ്റ്റാൻഡിൽ എത്തിച്ചേരും. സ്വീകരണ പരിപാടി വൻവിജയമാക്കുന്നതിനായി പ്രവർത്തകർ സജീവമായി രംഗത്തുണ്ട്. സർക്കാരിന്റെ വികസന നേട്ടങ്ങളും ജനക്ഷേമ പദ്ധതികളും പൊതുജനങ്ങളിൽ എത്തിക്കുക […]