പഹല്ഗാമില് വിനോദ സഞ്ചാരികള്ക്ക് നേരെയുണ്ടായ തീവ്രവാദ ആക്രമണത്തില് മരണം 28 ആയി. കൊല്ലപ്പെട്ടവരിൽ മലയാളിയും ഉൾപ്പെട്ടിട്ടുണ്ട് എന്ന വിവരം ഇന്നലെ പുറത്തുവന്നിരുന്നു. കൊച്ചി ഇടപ്പള്ളി സ്വദേശി എൻ. രാമചന്ദ്രനാണ് (65) കൊല്ലപ്പെട്ടത്. മകളുടെ മുന്നില് വെച്ചായിരുന്നു ഇയാള്ക്ക് വെടിയേറ്റത്. ലഷ്കർ ഇ തൊയ്ബയുടെ പ്രാദേശിക വിഭാഗമായ ദി റസിസ്റ്റൻസ് ഫ്രണ്ട് എന്ന സംഘടന ആക്രമണത്തിൻ്റെ ഉത്തരവാദിത്തം ഏറ്റെടുത്തിട്ടുണ്ട്.
അതേസമയം സൗദി സന്ദർശനം റദ്ദാക്കി കൊണ്ട് പ്രധാനമന്ത്രി നരേന്ദ്രമോദി തിരികെയെത്തും. ആഭ്യന്തര മന്ത്രി അമിത് ഷായും പഹൽ ഗാമിൽ എത്തുമെന്നും അറിയിച്ചിട്ടുണ്ട്. കൊല്ലപ്പെട്ടവരിൽ 2 വിദേശ വിനോദ സഞ്ചാരികളും കൊല്ലപ്പെട്ടവരിൽ ഉൾപ്പെടുന്നു. പഹല്ഗാമിലെ ബൈസാരന് താഴ്വരയിലാണ് വെടിവെപ്പുണ്ടായത്. ബൈസാരന് താഴ്വരയിൽ നടന്നോ കുതിരപ്പുറത്തോ മാത്രം എത്താന് സാധിക്കുന്ന പ്രദേശമാണ്. വേഷം മാറിയാണ് തീവ്രവാദികള് എത്തിയതെന്നും കൃത്യമായി ലക്ഷ്യം വെച്ചുകൊണ്ടുള്ള ആക്രമണമാണ് നടന്നത്. 2019ന് ശേഷമുള്ള ഏറ്റവും വലിയ ഭീകരാക്രമണമാണ് ഇത്.
