കോഴിക്കോട്: ആരാധകർ ഏറെ ആകാംഷയോടെ കാത്തിരിക്കുന്ന ഒരു ചിത്രമാണ് നെൽസൺ ദിലീപ്കുമാർ സംവിധാനം ചെയ്യുന്ന ‘ജയിലർ ടു’. ഇപ്പോഴിതാ ചിത്രത്തെ സംബന്ധിച്ച ഒരു വാർത്തയാണ് ആരാധകരെ ആവേശത്തിലാക്കിയിരിക്കുന്നത് . ചിത്രത്തിൽ പ്രധാന കഥാപാത്രമായ മുത്തുവേൽ പാണ്ട്യനെ അവതരിപ്പിച്ച രജനികാന്ത് കോഴിക്കോട് എത്തും എന്ന വാർത്തയാണത് . കോഴിക്കോട് ചെറുവണ്ണൂരിലാണ് ചിത്രീകരണം നടക്കുക.ചിത്രത്തിന്റെ കേരളത്തിലെ മുഖ്യ ലൊക്കേഷനാണ് ഇത്.
ഒരു മാസമെങ്കിലും നീണ്ടു നിൽക്കുന്ന ചിത്രികരണമായിരിക്കും കോഴിക്കോട് നടക്കുക എന്നതാണ് ലഭിക്കുന്ന വിവരം . കനത്ത സുരക്ഷാ സജ്ജീകരണങ്ങളോടെയാണ് ചിത്രീകരണം നടത്തുക. സൺ പിക്ചേഴ്സിന്റെ ബാനറിൽ കലാനിധി മാരൻ നിർമിച്ച് 2023-ൽ പുറത്തിറങ്ങിയ ചിത്രമാണ് ജയിലർ. ഇതിന്റെ രണ്ടാം ഭാഗമാണ് ഇനി വരാൻ പോകുന്നത്. ചിത്രത്തിൽ മലയാളികളായ സുരാജ് വെഞ്ഞാറമൂട്, കോട്ടയം നസീർ, സുനിൽ സുഖദ എന്നിവരും ശനിയാഴ്ച ചിത്രീകരണത്തിൽ പങ്കെടുത്തിരുന്നു. അതേസമയം ലോകേഷ് കനകരാജിന്റെ കൂലിയാണ് രജനികാന്തിന്റേതായി പുറത്തിറങ്ങാൻ ഇരിക്കുന്ന ചിത്രം.
