തൃശൂർ: തൃശൂർ ചെറുതുരുത്തിയിൽ ഓടിക്കൊണ്ടിരുന്ന ട്രെയിന് മുകളിലേയ്ക്ക് മരം വീണു. ജാംനഗറിൽ നിന്നും തിരുനൽവേലിയ്ക്ക് പോകുന്ന ട്രെയിനിന് മുകളിലാണ് മരം വീണത്. ജാംനഗര്-തിരുനെല്വേലി എക്സ്പ്രസ് ട്രെയിനിന് മുകളിലേക്കാണ് മരച്ചില്ലകള് വീണത്. ട്രെയിന് ചെറുതുരുത്തി റെയില്വേസ്റ്റേഷനില് എത്തിയപ്പോഴായിരുന്നു സംഭവം.
ട്രെയിനിന് കേടുപാടുകള് സംഭവിച്ചിട്ടില്ല എന്നാണ് പ്രാഥമിക വിവരം. യാത്രക്കാരും സുരക്ഷിതരാണ്. അപകടമുണ്ടാക്കിയ മരം മുറിച്ചു മാറ്റുന്നതിന് വേണ്ടി ഒരു മണിക്കൂര് സമയം ട്രെയിന് നിര്ത്തിയിടേണ്ടി വന്നു. മരം മുറിച്ച് മാറ്റിയതിന് ശേഷം 11 മണിയോടെയാണ് ട്രെയിന് യാത്ര തുടർന്നത്. ഇന്ന് രാവിലെ 10 മണിയോടയായിരുന്നു സംഭവം.
തുടർന്ന് ടി ആർ ഡി സംഘം സ്ഥത്തെത്തി മരം മുറിച്ചു മാറ്റിയാണ് ട്രെയിൻ യാത്ര തുടർന്നത്. നിലവിൽ ഷൊർണുർ തൃശൂർ പാതയിൽ വന്ദേ ഭാരത് അടക്കമുള്ള ട്രെയിനുകളെല്ലാം വൈകിയോടുകയാണ്.
