പാലക്കാട്: കെഎസ്ആർടിസി വടക്കഞ്ചേരി ഡിപ്പോയിൽ ദീർഘകാലമായി മികച്ച സേവനം കാഴ്ചവെച്ച ഡ്രൈവറെ ആദരിച്ചു. യാത്രക്കാരുടെ സുരക്ഷ, സമയപാലനം, ഉത്തരവാദിത്തബോധം എന്നിവ മുൻനിർത്തി പൊതുഗതാഗത രംഗത്ത് മാതൃകയായ സേവനം അനുഷ്ഠിച്ച വള്ളിയോട് സ്വദേശി അസീസ് ഇക്കെയെയാണ് ആദരിച്ചത്. അഭിമുഖ്യമായ ചടങ്ങിൽ വാർഡ് മെംബർ അരുണാരാജ് പൊന്നാട അണിയിച്ച് അസീസിനെ അനുമോദിച്ചു.
പൊതുസേവന രംഗത്ത് പ്രവർത്തിക്കുന്ന ജീവനക്കാരുടെ കഠിനാധ്വാനവും അർപ്പണബോധവും സമൂഹം അംഗീകരിക്കേണ്ടതുണ്ടെന്നും, ഇത്തരത്തിലുള്ള ആദരിക്കൽ പരിപാടികൾ മറ്റ് ജീവനക്കാരെയും കൂടുതൽ മികവിലേക്ക് പ്രേരിപ്പിക്കുമെന്നും അദ്ദേഹം പറഞ്ഞു. ചടങ്ങിൽ അഡ്വ. ശ്രീരാജ് വള്ളിയോട് മുഖ്യാതിഥിയായി പങ്കെടുത്തു. കെ.എസ്.ആർ.ടി.സി ജീവനക്കാരുടെ സേവനം പൊതുഗതാഗത സംവിധാനത്തിന്റെ അടിസ്ഥാന ശക്തിയാണെന്നും, യാത്രക്കാരുടെ വിശ്വാസം നിലനിർത്തുന്നതിൽ ഡ്രൈവർമാരുടെ പങ്ക് നിർണായകമാണെന്നും അദ്ദേഹം അഭിപ്രായപ്പെട്ടു.
കെ.എസ്.ആർ.ടി.സി ജീവനക്കാർ, വിവിധ സംഘടനാ പ്രതിനിധികൾ, പ്രദേശവാസികൾ തുടങ്ങിയവർ ചടങ്ങിൽ സന്നിഹിതരായിരുന്നു. മികച്ച സേവനം കാഴ്ചവെക്കുന്ന ജീവനക്കാരെ പൊതുവേദിയിൽ ആദരിക്കുന്നത് അവരുടെ ആത്മവിശ്വാസം വർധിപ്പിക്കുകയും സേവന നിലവാരം മെച്ചപ്പെടുത്തുകയും ചെയ്യുമെന്ന് പരിപാടിയിൽ പങ്കെടുത്തവർ പറഞ്ഞു.
