ദി ഹിന്ദു ദിനപത്രത്തിലെ വിവാദ അഭിമുഖവുമായി ബന്ധപ്പെട്ട് ഉയര്ന്ന വിവാദങ്ങളില് പ്രതികരണവുമായി മന്ത്രി മുഹമ്മദ് റിയാസ്. വിഷയത്തില് ഉയര്ന്ന വിമര്ശനങ്ങളില് മാധ്യമങ്ങളെ അധിക്ഷേപിച്ച റിയാസ് മുഖ്യമന്ത്രിയെ പിന്തുണച്ചാണ് സംസാരിച്ചത്. മുഖ്യമന്ത്രിക്ക് പറയാനുണ്ടെങ്കില് ഇടനിലക്കാരന്റെ ആവശ്യമില്ല.
മാധ്യമങ്ങള് എന്തു പ്രചാരണം നടത്തിയാലും ഇടതുപക്ഷ രാഷ്ട്രീയം പറയും. കൂടുതല് പ്രതികരണം മുഖ്യമന്ത്രിയും ഓഫീസും നടത്തുമെന്നും റിയാസ് പറഞ്ഞു. എന്നാല് ദി ഹിന്ദു വിനെതിരെ നിയമ നടപടി എടുക്കുമോ എന്ന ചോദ്യത്തിന് റിയാസ് മറുപടി പറഞ്ഞില്ല.
എന്നാല് വിഷയത്തില് ഏജന്സിയെ തള്ളിപ്പറയാത്ത മുഖ്യമന്ത്രിയുടെ നിലപാട് ഏജന്സിയുമായുള്ള ബന്ധത്തിന്റെ തെളിവാണെന്ന വാദവും ശക്തമാകുന്നു. മുഖ്യമന്ത്രിയുടെ ഓഫീസിലുള്ള ചിലര്ക്ക് ഏജന്സിയുമായി ബന്ധമുണ്ടെന്ന വിവരമുണ്ട്. ഏജന്സിയെ തള്ളിപ്പറഞ്ഞാല് മുഖ്യമന്ത്രിയുടെ അറിവില്ലാത്ത കാര്യങ്ങള് അഭിമുഖത്തില് ചേര്ത്തത് ഗുരുതരകുറ്റമാണ്.
