പത്തനംതിട്ട: കണ്ണൂര് എഡിഎം നവീന് ബാബുവിന്റെ സംസ്കാര ചടങ്ങുകള് ഇന്ന് നടക്കും.പത്തനംതിട്ട ക്രിസ്ത്യന് മെഡിക്കല് സെന്റര് ആശുപത്രി മോര്ച്ചറിയില് സൂക്ഷിച്ചിരിക്കുന്ന മൃതദേഹം രാവിലെ 10 മണിയോടെ പത്തനംതിട്ട കളക്ടറേറ്റിലേക്ക് എത്തിക്കും. തുടര്ന്ന് കളക്ടറേറ്റില് പൊതുദര്ശനം നടക്കും.
വിലാപയാത്രയായി മൃതദേഹം മലയാലപ്പുഴയിലെ വസതിയില് എത്തിക്കും. ഇവിടെയും പൊതുദര്ശനം ഉണ്ടാകും. ഉച്ചതിരിഞ്ഞ് മൂന്ന് മണിക്ക് വീട്ടുവളപ്പില് സംസ്കാര ചടങ്ങ് നടക്കും.
റവന്യൂ വകുപ്പ് മന്ത്രി കെ രാജന് കളക്ടറേറ്റില് അന്ത്യാഞ്ജലി അര്പ്പിക്കും. കണ്ണൂര് ജില്ലാ പഞ്ചായത്ത് പി പി ദിവ്യ അഴിമതിയാരോപണം ഉന്നയിച്ച് തൊട്ടടുത്ത ദിവസമായിരുന്നു നവീനെ ക്വാര്ട്ടേഴ്സില് തൂങ്ങി മരിച്ച നിലയില് കണ്ടെത്തിയത്. നവീന് ബാബുവിന്റെ യാത്രയയപ്പ് യോഗത്തിലായിരുന്നു പി പി ദിവ്യ ആരോപണം ഉന്നയിച്ചത്.
