തിരുവനന്തപുരം: എഡിഎം നവീന് ബാബുവിന്റെ ആത്മഹത്യയില് റിമാന്ഡില് കഴിയുന്ന പിപി ദിവ്യയ്ക്ക് ഇന്ന് നിര്ണ്ണായകം. ദിവ്യയുടെ ജാമ്യഹര്ജിയില് തലശ്ശേരി പ്രിന്സിപ്പല് സെഷന്സ് കോടതി ഇന്ന് വിധി പറയും. ജഡ്ജ് നിസാര് അഹമ്മദാണ് ജാമ്യാപേക്ഷയില് വിധി പറയുക.
അന്വേഷണവുമായി സഹകരിച്ചെന്നും ജാമ്യം നല്കണമെന്നുമാണ് ദിവ്യയുടെ വാദം. അതേസമയം ദിവ്യയ്ക്ക് ജാമ്യം ലഭിച്ചാല് ഹൈക്കോടതിയെ സമീപിക്കാനാണ് നവീന് ബാബുവിന്റെ കുടുംബത്തിന്റെ തീരുമാനം.
പി പി ദിവ്യക്കെതിരെ അച്ചടക്ക നടപടിയുമായി സിപിഐഎം രംഗത്തെത്തി. തിരഞ്ഞെടുക്കപ്പെട്ട സ്ഥാനങ്ങളില് നിന്ന് നീക്കാനാണ് ജില്ലാ സെക്രട്ടറിയേറ്റ് യോഗത്തില് തീരുമാനമായത്. സംസ്ഥാന കമ്മിറ്റിയുടെ അംഗീകാരത്തോടെയാണ് തീരുമാനം നടപ്പാക്കുക.
ദിവ്യയുടെ ഭാഗം കൂടി കേട്ടതിനു ശേഷം നടപടി മതിയെന്ന് ഒരു വിഭാഗം നേതാക്കള് ആവശ്യപ്പെട്ടു. പക്ഷേ ഭൂരിപക്ഷം പേരും സംസ്ഥാന നേതൃത്വത്തിന്റെ സമ്മര്ദ്ദത്തിന് വഴങ്ങി. ദിവ്യയെ പാര്ട്ടി അംഗം മാത്രമായി തരംതാഴ്ത്താനാണ് തീരുമാനം.
