തിരുവനന്തപുരം: മല്ലു ഹിന്ദു ഐഎഎസ് വാട്സ്ആപ്പ് ഗ്രൂപ്പ് വിവാദത്തില് വ്യവസായ വകുപ്പ് ഡയറക്ടര് കെ ഗോപാലകൃഷ്ണന് ഐഎഎസിനെതിരെ നടപടിക്കൊരുങ്ങുന്നു. നടപടിക്ക് ശുപാര്ശ ചെയ്ത് ചീഫ് സെക്രട്ടറി മുഖ്യമന്ത്രിക്ക് കത്ത് നല്കി. ഗോപാലകൃഷ്ണന്റെ വിശദീകരണം തൃപ്തികരമല്ലെന്നും ഉചിതമായ നടപടി സ്വീകരിക്കണമെന്നും ചീഫ് സെക്രട്ടറി കത്തില് ആവശ്യപ്പെടുന്നു.
മല്ലു ഹിന്ദു വാട്സ്ആപ്പ് ഗ്രൂപ്പ് വിവാദത്തില് ചീഫ് സെക്രട്ടറി കെ ഗോപാലകൃഷ്ണനോട് നേരത്തെ വിശദീകരണം തേടിയിരുന്നു. എന്നാല് ഫോണ് ഹാക്ക് ചെയ്തെന്നായിരുന്നു ഗോപാലകൃഷ്ണന്റെ വാദം.
എന്നാല് ഫോറന്സിക് പരിശോധനയുടെയും മെറ്റയുടെയും കണ്ടെത്തലില് ഗോപാലകൃഷ്ണന്റെ ഫോണ് ഹാക്ക് ചെയ്തിട്ടില്ലെന്ന റിപ്പോര്ട്ട് ഡിജിപി ചീഫ് സെക്രട്ടറിക്ക് കൈമാറി. ഫോണ് ഫോര്മാറ്റ് ചെയ്താണ് നല്കിയതെന്ന ഗുരുതര പരാമര്ശവും റിപ്പോര്ട്ടില് ഉണ്ടായിരുന്നു.
