അനീഷ എം എ: സബ് എഡിറ്റർ
ആലപ്പുഴ: കളര്കോട് വാഹനാപകടത്തില് മരണപ്പെട്ട എംബിബിഎസ് വിദ്യാര്ത്ഥികളുടെ മൃതദേഹങ്ങള് പൊതുദര്ശനത്തിന് വെച്ചു. ഗവര്ണ്ണര് വിദ്യാര്ത്ഥികളായ ഇബ്രാഹിം, ദേവാനന്ദ്, ആയുഷ് രാജ്, ശ്രീദീപ്, മുഹമ്മദ് ജബ്ബാര് എന്നിവരുടെ മൃതദേഹങ്ങളാണ് പൊതുദര്ശനത്തിന് വെച്ചത്.
ആരിഫ് മുഹമ്മദ് ഖാന്, മന്ത്രി വീണ ജോര്ജ്, സജി ചെറിയാന് തുടങ്ങി നിരവധി ജനപ്രതിനിധകളാണ് വിദ്യാര്ത്ഥികള്ക്ക് അന്ത്യാഞ്ജലിയര്പ്പിക്കാനെത്തിയത്. ശ്രീദീപ്, മുഹമ്മദ് ജബ്ബാര് എന്നിവരുടെ സംസ്കാര ചടങ്ങുകള് ഇന്ന് നടക്കും.
പാലാ മറ്റക്കരയിലെ വീട്ടില് നാളെ ഉച്ചയ്ക്ക് രണ്ട് മണിക്കായിരിക്കും ദേവാനന്ദിന്റെ സംസ്കാരം. ലക്ഷദ്വീപ് സ്വദേശി മുഹമ്മദ് ഇബ്രാഹിമിന്റെ ഖബറടക്കം എറണാകുളം ടൗണ് ജുമാ മസ്ജിദില് നടക്കും. കോട്ടയം പൂഞ്ഞാര് സ്വദേശി ആയുഷിന്റെ സംസ്കാരം കുടുംബ വീടായ ആലപ്പുഴ കാവാലത്ത് നാളെ രാവിലെ 10ന് നടത്തും.
