കൊച്ചി: കലൂര്‍ സ്റ്റേഡിയത്തിൽ നടന്ന ‘മൃദംഗനാദം’ പരിപാടിയുടെ സംഘാടകരായ മൃദംഗവിഷൻ നൃത്ത പരിപാടിയിൽ പങ്കെടുക്കുന്ന ഓരോകുട്ടിക്കും 900 രൂപ വീതം വാഗ്ദാനം ചെയ്തിരുന്നതായി വെളിപ്പെടുത്തൽ. മൃദംഗവിഷനുമായി ബന്ധപ്പെട്ട് തങ്ങളെ ആദ്യം വിളിച്ചവരാണ് കമ്മീഷൻ വാഗ്ദാനം ചെയ്തതെന്നും തുടർന്ന് പരിപാടി കഴിഞ്ഞിട്ടും ഇതുവരെ പണം നൽകിയില്ലന്നും നൃത്താധ്യാപിക പറഞ്ഞു.

ഇങ്ങനെയൊരു പരിപാടി നടത്തുന്നുണ്ടെന്നും കുട്ടികളെ പങ്കെടുപ്പിക്കണമെന്നും പറ‍ഞ്ഞാണ് സംഘാടകര്‍ വിളിച്ചത്. 25 മുതൽ 50വരെ കുട്ടികളെ പങ്കെടുപ്പിച്ചാൽ ഓരോ കുട്ടിക്കും 900 രൂപ വീതം കമ്മീഷനും അനുമോദനവും സര്‍ട്ടിഫിക്കറ്റും നൽകും. അതെ സമയം 100 കുട്ടികളെ പങ്കെടുപ്പിച്ചാൽ അനുമോദനത്തിനും സര്‍ട്ടിഫിക്കറ്റിനും പുറമെ സ്വര്‍ണ നാണയവും നൽകുമെന്ന് പറഞ്ഞിരുന്നുവെന്നും അധ്യാപിക വ്യക്തമാക്കി.എന്നാൽ, പറഞ്ഞ തുക ഇതുവരെ നൽകിയിട്ടില്ലെന്നും 104 കുട്ടികളെയാണ് താൻ പരിപാടിയിൽ പങ്കെടുപ്പിച്ചതെന്നും കാസർകോട് നീലേശ്വരം സ്വദേശിയായ നൃത്തധ്യാപിക അദ്യാപിക പറഞ്ഞു.