മോഹന്ലാലിനെ നായകനാക്കി സത്യന് അന്തിക്കാട് സംവിധാനം ചെയ്യുന്ന ഏറ്റവും പുതിയ ചിത്രമാണ് ഹൃദയപൂര്വ്വം. ഓണം റിലീസ് ആയി ഓഗസ്റ്റ് 28 നാണ് ചിത്രം പ്രദര്ശനം ആരംഭിക്കുക. ലോകാ എന്റര്ടെയ്ന്മെന്റ്സ് ആണ് ചിത്രത്തിന്റെ ജര്മനിയിലെ വിതരണം നിര്വ്വഹിക്കുന്നത്. ഇതിപ്പോൾ ചിത്രത്തിന്റെ അഡ്വാന്സ് ടിക്കറ്റ് ബുക്കിംഗിന് ജര്മനിയില് ആരംഭിച്ചിരിക്കുകയാണ്. തിയറ്റര് റിലീസിന് 15 ദിനങ്ങള് ശേഷിക്കെയാണ് ആദ്യ ബുക്കിംഗ് ജര്മനിയില് ആരംഭിച്ചിരിക്കുന്നത്. എമ്പുരാന് ജര്മനിയില് എത്തിച്ചതും ഇതേ കമ്പനി ആയിരുന്നു. ചിത്രം അവിടെ മികച്ച കളക്ഷനും നേടിയിരുന്നു.
ഇടവേളയ്ക്ക് ശേഷമാണ് സത്യന് അന്തിക്കാട്- മോഹന്ലാല് ടീം വീണ്ടും ഒന്നിക്കുന്നത്. ആശിർവാദ് സിനിമാസിൻ്റെ ബാനറിൽ ആൻ്റണി പെരുമ്പാവൂർ നിർമ്മിക്കുന്ന ചിത്രത്തില് മാളവിക മോഹനനും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ഇടവേളയ്ക്ക് ശേഷമാണ് ഒരു സത്യന് അന്തിക്കാട് സിനിമയുടെ ചിത്രീകരണം കേരളത്തിന് പുറത്ത് നടക്കുന്നത്. പൂനെയാണ് ചിത്രത്തിന്റെ പ്രധാന കഥാപശ്ചാത്തലം. ബന്ധങ്ങളുടെ മാറ്റുരയ്ക്കുന്ന വളരെ പ്ലസൻ്റ് ആയ ഒരു ചിത്രമായിരിക്കും ഇതെന്ന് സംവിധായകൻ സത്യൻ അന്തിക്കാട് പറഞ്ഞിരുന്നു. സിദ്ദിഖ്, ബാബുരാജ്, സബിതാ ആനന്ദ് എന്നിവരും ഈ ചിത്രത്തിലെ പ്രധാന താരങ്ങളാണ്. സത്യൻ അന്തിക്കാട് എന്ന സംവിധായകൻ്റെ ട്രേഡ്മാർക്ക് എന്നു വിശേഷിപ്പിക്കാവുന്ന നർമ്മവും ഒപ്പം ഇമോഷനുമൊക്കെ ഈ ചിത്രത്തിലൂടെയും പ്രതീക്ഷിക്കാം. അഖിൽ സത്യൻ്റേതാണു കഥ.
