ന്യൂഡല്ഹി: 2027 ലെ ജനസംഖ്യാ കണക്കെടുപ്പിനായുള്ള പ്രവര്ത്തനങ്ങള് പുരോഗമിക്കുകയാണെന്ന് രജിസ്ട്രാര് ജനറലും സെന്സസ് കമ്മീഷണറുമായ മൃത്യുഞ്ജയ് കുമാര് നാരായണ്. രണ്ടു ഘട്ടങ്ങളായാണ് സെന്സസ് നടപ്പാക്കുന്നത്. ആദ്യ ഘട്ടത്തിന്റെ ഫീല്ഡ് പ്രവര്ത്തനങ്ങള് ഏപ്രില് 1 മുതല് ആരംഭിക്കുമെന്നും അദ്ദേഹം വ്യക്തമാക്കി.
കേരളത്തില് ആദ്യഘട്ട സെന്സസ് ജൂണില് ആരംഭിക്കും. സെല്ഫ് എന്യൂമേറേഷന് ജൂണ് 16 മുതല് ജൂണ് 30വരെ സമയമുണ്ടാകും. ജൂലൈ ഒന്ന് മുതല് ജൂലൈ 30വരെ സെന്സസ് ഉദ്യോഗസ്ഥര് നേരിട്ട് വീടുകളിലെത്തി വിവരങ്ങള് ശേഖരിക്കും. രാജ്യത്തെ ആദ്യത്തെ സമ്പൂര്ണ ഡിജിറ്റല് സെന്സസ് ആയിരിക്കും ഇത്തവണത്തെ.
