കോഴിക്കോട്: പേരാമ്പ്രയിലെ യുഡിഎഫ് സ്ഥാനാര്ത്ഥി ഫാത്തിമ തെഹ്ലിയക്കെതിരെ സമുദായത്തിന്റെ പേരില് വോട്ട് അഭ്യര്ത്ഥിച്ചു എന്ന് ചൂണ്ടിക്കാട്ടി പരാതി. ഇത്തരത്തില് പേരാമ്പ്ര ആര്ഒഎയ്ക്ക് മൂന്ന് പരാതികള് ലഭിച്ചു. പിന്നാലെ വിശദീകരണം തേടി ഫാത്തിമ തെഹ്ലിയക്ക് തെരഞ്ഞെടുപ്പ് കമ്മീഷന് നോട്ടീസ് നല്കി.
വീടുകളില് ചെന്ന് സമുദായം പറഞ്ഞ് വോട്ട് അഭ്യര്ത്ഥിച്ചു എന്നാണ് പരാതി. ഇത് സംബന്ധിച്ച് ഇന്നലെയായിരുന്നു ആര്ഒഎയ്ക്ക് പരാതി ലഭിച്ചത്. ആരോപണത്തില് ഫാത്തിമ വിശദീകരണം നല്കണമെന്ന് തെരഞ്ഞെടുപ്പ് കമ്മീഷന് ആവശ്യപ്പെട്ടു. രണ്ട് ദിവസത്തിനുള്ളില് ഫാത്തിമ തെരഞ്ഞെടുപ്പ് കമ്മീഷന് മറുപടി നല്കുമെന്നാണ് വിവരം.
കഴിഞ്ഞ ദിവസം പേരാമ്പ്രയിലെ എല്ഡിഎഫ് പ്രചാരണത്തിനെതിരെ യുഡിഎഫ് പരാതി നല്കിയിരുന്നു. ഫാത്തിമ തെഹ്ലിയക്കെതിരെ എല്ഡിഎഫ് മതസ്പര്ധ വളര്ത്തുന്ന രീതിയില് പ്രചാരണം നടത്തിയെന്നായിരുന്നു ആ പരാതി.
