ന്യൂഡല്ഹി: സംസ്ഥാന പൊലീസ് മേധാവിയെ കണ്ടെത്താനുള്ള യുപിഎസ് സി യോഗം നാളെ നടക്കും. കേരളത്തില് നിന്നും ചീഫ് സെക്രട്ടറിയും നിലവിലെ സംസ്ഥാന പൊലീസ് മേധാവിയുമാണ് യോഗത്തില് പങ്കെടുക്കുക. യോഗത്തിന് ശേഷം മൂന്നുപേരുടെ ചുരുക്കപ്പട്ടിക സംസ്ഥാന സര്ക്കാരിന് കൈമാറും
ഫയര്ഫോഴ്സ് മേധാവി യോഗേഷ് ഗുപ്ത, വിജിലന്സ് ഡയറക്ടര് മനോജ് എബ്രഹാം, പ്രധാനമന്ത്രിയുടെ സുരക്ഷാ ചുമതലയുള്ള എസ്പിജിയുടെ ഉപമേധാവി സുരേഷ് രാജ് പുരോഹിത്, പൊലീസ് ബറ്റാലിയന് എഡിജിപി എം ആര് അജിത് കുമാര് എന്നിവരാണ് ആറംഗ പട്ടികയില് ഇടംപിടിച്ച മറ്റ് ഉദ്യോഗസ്ഥര്.
സര്ക്കാര് സമര്പ്പിച്ച പട്ടികയിലെ ഒന്നാമത്തെയാളും, മറ്റ് ആരോപണങ്ങള് ഒന്നുമില്ലാത്ത ഓഫീസര് എന്നതും നിതിന് അഗര്വാളിന് സാധ്യത കൂട്ടുന്നു. ഡല്ഹി സ്വദേശിയായ നിതിന് അഗര്വാള് ബിഎസ്എഫ് മേധാവി പദവിയില് നിന്നാണ് കേരള കേഡറിലേക്ക് തിരിച്ചെത്തിയത്. ഈ മാസം 30 നാണ് നിലവിലെ പൊലീസ് മേധാവി ഷെയ്ഖ് ദര്വേഷ് സാഹിബ് വിരമിക്കുന്നത്. അദ്ദേഹം വിരമിക്കുന്ന ചടങ്ങില് തന്നെ പുതിയ പൊലീസ് മേധാവിക്ക് അധികാരക്കൈമാറ്റവും നടക്കും.
