തിരുവനന്തപുരം: നിയമസഭാ തിരഞ്ഞെടുപ്പ് പ്രചാരണവുമായി പ്രധാനമന്ത്രി നരേന്ദ്രമോദി നാളെ തിരുവനന്തപുരം സന്ദർശിക്കും. നഗരത്തില് ഗതാഗത നിയന്ത്രണം ഏർപ്പെടുത്തിയിട്ടുണ്ട്. ഉച്ചയ്ക്ക് 2 മണി മുതല് രാത്രി ഒന്പത് മണി വരെയാണ് ഗതാഗത ക്രമീകരണങ്ങള് ഏര്പ്പെടുത്തിയിട്ടുളളത്.
ഉച്ചയ്ക്ക് രണ്ടുമണി മുതല് രാത്രി ഒന്പത് മണി വരെ ഡൊമസ്റ്റിക് എയര്പോര്ട്ട് ശംഖുമുഖം ആള്സെയിന്റ്, ചാക്ക, പേട്ട, പളളിമുക്ക്, പാറ്റൂര്, ജനറല് ആശുപത്രി, ആശാന് സ്ക്വയര്, അണ്ടര് പാസേജ്, പഞ്ചാപുര, ആര്ബിഐ, ബേക്കറി ജംഗ്ഷന്, വിമന്സ് കോളേജ് ജംഗ്ഷന്, മേട്ടുകട, തൈക്കാട്, തമ്പാനൂര് ഫ്ളൈ ഓവര്, ചൂരക്കാട്ട് പാളയം, ചെമ്പ് പണിപ്പുര, കിളളിപ്പാലം, കരമന, കല്പാളയം, നീറമണ്കര, പാപ്പനംകോട് റോഡിലും കരമന, കുഞ്ചാലമൂട്, പൂജപ്പുര, ജഗതി, ഡിപിഐ, വിമന്സ് കോളേജ് റോഡിലുമാണ് ഗതാഗത നിയന്ത്രണം ഏര്പ്പെടുത്തിയിട്ടുളളത്. ഈ റോഡുകളുടെ ഇരുവശത്തും വാഹനങ്ങള് പാര്ക്ക് ചെയ്യരുതെന്നും നിർദേശമുണ്ട്.
