ന്യൂഡൽഹി: നായർ സമുദായത്തിൽപ്പെട്ടയാളായതിനാലാണ് കെപിസിസി അധ്യക്ഷസ്ഥാനത്തേക്ക് തന്നെ പരിഗണിക്കാത്തതെന്ന ആരോപണത്തിൽ ഉറച്ചുനിൽക്കുന്നതായി രാജ്‌മോഹൻ ഉണ്ണിത്താൻ. താൻ പറഞ്ഞത് വസ്തുതയാണെന്നും നിലപാട് മാറ്റിപ്പറയേണ്ട സാഹചര്യമില്ലെന്നും അദ്ദേഹം വ്യക്തമാക്കി. സത്യം പറയുന്നതിനെ വിവാദമാക്കേണ്ടതില്ലെന്നും ഉണ്ണിത്താൻ പ്രതികരിച്ചു. അതേസമയം, ഉണ്ണിത്താന്റെ പരാമർശത്തോട് പ്രതികരിച്ച് കോൺഗ്രസ് നേതാവ് ജോസഫ് വാഴയ്ക്കൻ രംഗത്തെത്തി. ഉണ്ണിത്താൻ പറഞ്ഞത് അദ്ദേഹത്തിന്റെ വിഷമമായി കണ്ടാൽ മതിയെന്ന് വാഴയ്ക്കൻ പറഞ്ഞു. തന്നെ പരിഗണിക്കാത്തതിന് പിന്നിൽ സമുദായമാണ് കാരണമെന്ന തോന്നൽ അദ്ദേഹത്തിനുണ്ടായിരിക്കാമെന്നും വാഴയ്ക്കൻ അഭിപ്രായപ്പെട്ടു. തന്നെക്കാൾ സീനിയറായ നേതാവാണ് രാജ്‌മോഹൻ ഉണ്ണിത്താൻ. […]