ജമ്മു കാശ്മീർ : ലോകത്തിലെ ഏറ്റവും ഉയരം കൂടിയ റെയിൽ പാലമായ ചെനാബ് പാലം രാജ്യത്തിനായി സമർപ്പിച്ച് പ്രധാനമന്ത്രി നരേന്ദ്ര മോദി. പഹൽഗാം ഭീകരാക്രമണത്തിന് ശേഷം നരേന്ദ്ര മോദി നടത്തുന്ന ആദ്യ കാശ്മീർ സന്ദർശനം കൂടിയാണിത്. കശ്മീര് താഴ്വരയെ രാജ്യത്തിന്റെ മറ്റുഭാഗങ്ങളുമായി ബന്ധിപ്പിക്കുന്ന പാലം ജമ്മുകശ്മീരിലെ റിയാസി ജില്ലയില് ബക്കലിനും കൗരിക്കും ഇടയില് ചെനാബ് നദിക്ക് കുറുകെയാണ്.
1400 കോടി രൂപ ചെലവിട്ടാണ് നിര്മാണം പൂര്ത്തിയാക്കിയ ഈ പാലത്തിന് പാരീസിലെ ഈഫൽ ടവറിനേക്കാൾ ഉയരം ഉണ്ട്. കൂടാതെ
പാലത്തോടൊപ്പം തന്നെ കത്ര-ശ്രീനഗർ വന്ദേ ഭാരത് ട്രെയിൻ സർവീസും പ്രധാനമന്ത്രി ഉദ്ഘാടനം ചെയ്യും. ഉദംപൂരിലെ വ്യോമസേനാ സ്റ്റേഷനിൽ എത്തിയ ശേഷം, പ്രധാനമന്ത്രി മോദി ഹെലികോപ്റ്റർ മാർഗമാണ് ചെനാബ് പാലം ഉദ്ഘാടനം ചെയാൻ എത്തിയത്.
